В Төлеби ауданында терроризм мен экстремизмге қарсы профилактикалық шаралар ұйымдастырылды. Іс-шара бірнеше мектептің жоғары сынып оқушыларымен және ұстаздарымен өтті. Оның мақсаты – білім беру мекемелерінде экстремизм мен терроризмге қарсы іс-әрекеттерді күшейту.
Кездесу барысында қатысушыларға күдікті заттармен жұмыс істеу алгоритмі мен мектептерге қойылатын талаптар туралы ақпарат берілді. Талқылау барысында жастарға экстремизм мен терроризм идеологияларының әсер ету жолдары, сонымен қатар шетелдік тыйым салынған оқу орындары туралы мәліметтер ұсынылды.
Терроризм қаупіне дайындық
Іс-шара аясында әлеуметтік желілерде таралатын зиянды ақпараттың белгілері түсіндірілді. Қатысушылар терроризм қаупі төнген кезде қандай әрекеттер жасау керектігін талқылады. Ұлттық қауіпсіздік комитетінің терроризмге қарсы орталығымен дайындалған бейнематериалдар көрсетілді.
Шараның қорытындысында мектеп басшылығына ТТО объектілеріне қойылатын талаптар түсіндірілді. Білім ордаларындағы кемшіліктер атап көрсетілді. Оқушылар мен мектеп басшылығы ұйымдастырушылардан өз сұрақтарына жауап алды.
Материал Түркістан облысы бойынша ТҚК аппаратының ақпараты негізінде дайындалды.
Комментарии
Оставить комментарий